A relación entre a literatura e a música unha das máis antigas e fructíferas colaboracións que se producen entre distintas manifestacións artísticas.
Dende este blog, pretendemos dar a coñecer á comunidade educativa do CEIP San Xoán de Becerreá, este enriquecedor espazo artístico.
Igualmente, pretende imbuir no noso sentir á proximidade doutras culturas, o recpecto polas diferenzas, e abrir a nosa capacidade de escoita e visión a situacións novas, espertando a curiosidade por coñecer outras realidades visuais, sonoras e gustativas; implicando, ademáis do profesorado do centro ao servizo de comedor escolar.

PáXinas

Mostrando entradas con la etiqueta biblioLIO. Mostrar todas las entradas
Mostrando entradas con la etiqueta biblioLIO. Mostrar todas las entradas

miércoles, 1 de junio de 2016

Maxia na cociña





O 30 de maio, Bret Fernández, antigo alumno do Colexio e membro da nosa comunidade por ser fillo de Javier, un dos máis queridos integrantes dela, pasou a mañá a deleitarnos co seu quefacer na cociña.






Bret é o cociñeiro estrela nacido en Becerreá. O seu interese pola cociña vén de neno e dirixiu a súa formación en Hostelería. Logo, Bret, aproveitou cada ocasión que a vida lle deu para seguir formándose nesta cociña que ten máis de maxia e química que de sólo-cociña. Na súa carreira están restaurantes de Lugo, como A nosa terra, onde foi xefe de cociña, A Fervenza, o seu primeiro traballo serio no sector... pero destaca, con moito, a súa estadía no Celler de Can Roca, o mellor restaurante do mundo, varios anos consecutivos, segundo as revistas especializadas e portador de varias Estrelas Michelín.



Hoxe, Bret é o xefe de cociña no Loxe Mareiro, en Carril, e colabora no Abastos 2.0, de Santiago.

Era cedo, a primeira hora, cando Bret, co seu primeiro axudante, Luis, e o seu proveedor de peixe, entraban no cole. Facíano pola cociña, o terreo que mellor coñecen, e alí deixaban caixas con todos os aperos que precisarían e todas as incribles materias primas que usarían na súa sesión de cociña... maxia?

Logo, recibiunos. Alí, na cociña, coas súas mellores galas e os seus mellores axudantes. Durante case dúas horas preparounos 

  • Un aperitivo a base de olivas
  • Navallas con xelatina de vermut
  • Ameixas con salsa de algas
  • Xarda con brotes tenros
  • Ovos fritidos con patacas e chourizo, a súa tapa estrela no Abastos 2.0
  • Sorbete sólido de mazá.


Os nenos puideron formar parte do equipo de cociña, colaborando no empratado ou nalgunha fase da preparación dos pratos, pero o maior protagonismo tivérono na degustación daqueles preparados nunca probados antes. Unha delicia no CEIP San Xoán.












Antes de explicar a realización de cada prato e os ingredientes que levaban, puidemos ter tempo para escoitar ao amigo e proveedor de Bret, que nos deleitou cun agasallo feito pola súa nai. As sorpresas gastronómicas non paraban... E comimos Empanada de Ovas de Polvo.

Logo o ambiente mudou, e puidemos escoitar a historia de Bret. Foi no salón de actos. Alí, contounos non só o que fai, senón como foi que chegou ata onde hoxe está. Unha vida chea de emocións que non dubidou en compartir connosco: o papel da familia, o apoio dos amigos, o esforzo da formación... para chegar a vivir como quere e do que desexa.

Bret, foi un pracer contar contigo!

Este é o vídeo do día:



domingo, 24 de abril de 2016

San Xurxo. Libros e rosas

O Día do Libro celébrase o 23 de abril. Está relacionado co día de San Xurxo, aínda que nada que ver co Santo. En realidade a celebración coincide con efemérides do mundo literario, en concreto con Cervantes e Shakespeare, como ben explican os nosos alumnos no vídeo que narra a historia de San Xurxo e o Dragón.

O noso cole non podía deixar de festexar tan importante data, por iso, os nenos de sexto anunciaron a sorpresa que se cocía para ese día.

Durante a mañá do día 22, todos os cursos puideron coñecer a historia de San Xurxo, que neste vídeo compartimos, tamén convosco.




Ao final das representacións, os actores regalaban marcapáxinas conmemorativos para todos os asistentes.

Outra das iniciativas do Día do Libro partíu da clase de cuarto, que, a partir dun mural, solicitou a colaboración de todos os compañeiros do centro, expresando, nel o que significa un libro ou deixando unha reseña do seu libro favorito. O mural colaborativo permanecerá á entrada da biblioteca ata pasados uns días, no que se colocará no seu interior, para disfrute de todos. Este é o vídeo que recolle esta fantástica idea. 











Desde a biblioteca, contribuíuse a esta celebración cunha exposición temática sobre dragones.
Todo o cole está encherse de flores en preparación para un maio de cores e flores.... Serán as de San Xurxo? 
EntreLetras MaioLongo

lunes, 7 de marzo de 2016

Día Internacional da Felicidade

A Asemblea Xeral de la ONU,  el 12 de xullo de 2012 decretou o 20 de marzo Día Internacional da Felicidade, para recoñecer a relevancia da felicidade  como aspiración universal dos seres humanos e aimportancia da súa inclusión nas políticas de goberno. 
As Nacións Unidas convídanos a observar de axeitadamente o Día Internacional da Felicidade, por medios como actividades educativas e de concienciación.
Dende o Entre Letras queremos a fomentar este sentimiento nas nosas aulas, e estamos convencidos de que podemos contribuir a mellorar a felicidade das persoas que temos ao noso carón.


Unha das actividades deste novo #entreLetras precisa, unha vez mais, da vosa colaboración. Gustaríanos que nos fagades chegar un pequeno vídeo bailando un fragmento do tema "Happy" de Pharrell Williams, segundo as instruccións que vos entregaron os nenos. O alumnado de quinto e sexto de primaria, participantes no obradoiro "Cinema en curso", realizarán unha montaxe dos vosos fragmentos que queremos estrear o vindeiro 18 de marzo. Esperamos recibir os vosos vídeos no correo sextosanxoan@gmail.com
#happyday literario: recompilaremos libros sobre os temas que nos fan felices
#happyday musical: traballaremos cos temas musicais que nos transmiten felicidade
#happyday gastronómico: "barriga chea, corazón contento", e unha morea de refráns que nos recordan que á felicidade tamén se chega polo estómago. Os alimentos que nos producen felicidade serán...
#happyday artístico: coñeceremos obras de arte que transmiten a ledicia de vivir.

Axúdasnos a contaxiar entusiasmo e a transmitir felicidade? 

#happyday


jueves, 25 de febrero de 2016

Finalizando o noso Love is in the air...

Chega o fin de febreiro e, con el, a despedida do noso Love is in the air 2016.

Podes ver todo o que se fixo ao longo do mes neste enlace.

Que se estará preparando para o mes de marzo? Tes curiosidade....? 

Unha pista: será unha celebración feliz!!!!!!!!!

miércoles, 24 de febrero de 2016

Día de Rosalía






Hoxe celébrase o Día de Rosalía, como homenaxe ao seu nacemento. O noso centro participou festexando con moitas actividades ao longo de toda a xornada.













A nosa Rosalía de Castro explicou por todas as clases que no día de hoxe queremos iniciar unha nova tradición: agasallar cun libro en galego e unha flor.












Por iso, hoxe, para todos os nenos de 3º a 6º, Geli, a nai de Ainara, explicounos moitas cousas sobre regalar flores, e sobre o negocio que existe para satisfacer esta demanda.









Durante o día, os nosos alumnos de 5º e 6º participaron na Campaña da Asociación de Escritores en Lingua Galega en Twitter, co hashtag #mobilizaRosalía.






Para finalizar o día, Os alumnos fixeron unha ofrenda a Rosalía de Castro, con versos escritos que se colocaron no noso mural, a cambio, recibiron da man da poetisa unha flor.







O colofón foi a cargo dos nenos de Educación Infantil, que cantaron, para todos nós unha canción:












No comedor escolar, Toñi e Ana nos agasallaron cun fantástico cocido e, de sobremesa, filloas e buñuelos!























MIRA AQUÍ TODAS AS FOTOS DO DÍA

sábado, 6 de febrero de 2016

Love is in the air, 2016



Febreiro é o mes do amor e o centro énchese co #loveisintheair. O programa desta liña de traballo inclúe as seguintes tarefas:

DECORACIÓN #loveisintheair. 
Coa nosa namorada pendurada da lúa e entregando corazóns.... Unha visión romántica para acollernos, á entrada do cole. Mira o vídeo de preparación da nosa decoración alusiva.






CARTAS DE AMOR: comezamos a escribir cartas de amor para o concurso que se fallará o día 26 de febreiro. As cartas poden ser entregadas ata o día 19. As bases estarán en todas as aulas, para seren traballadas por todos os grupos, porén, ao concurso accedán só os voluntarios. Podes ver aquí o cartel de participación, coas bases.





CARTAS DA PAZ E DO AMOR: ENTREGA DE PREMIOS











LECTURAS DE AMOR: BiblioLío organiza unha exposición de libros de amor para ver na entrada e levar en préstamo.


CANCIÓNS DE AMOR: A música é un dos puntos clave do EntreLetras. Nesta ocasión, colocaremos o buzón para recoller as propostas de cancións de amor que desexedes. Con todas elas faremos listaxes de reprodución que nos amenizarán as entradas e saídas. A continuación podedes ver o Padlet sobre cancións de amor que o alumnado de 6º fixo no proxecto eTwinning.






FLORES PARA ROSALÍA. FLORES PARA REGALAR. Durante os días 17,18 e 19 levaremos a cabo obradoiros de elaboración de flores de papel. Estas flores acadarán especial importancia no día 24, Día de Rosalía de Castro. Ver aquí o desenvolvemento deste día.






Para aprender que hai detrás de regalar flores, Geli, a nai de Ainara, de sexto, virá darnos unha charla.





MENÚ PARA NAMORADOS. Sorpresa doce que nos agarda, das mans de Toñi e Ana....

KAMISHIBAI. Dentro da liña Un Kamishibai ao Mes de BiblioLío, unha historia en Kamshibai pechará a nosa liña de traballo.

EDUCACIÓN RESPONSABLE - BDF 6º: Tamén hai lugar para esta liña de traballo desde Educación Responsable - Banco de Ferramentas para 6º. Podes acceder aquí á tarefa "Perdóname", desenvolvida para o Love is in the Air.



miércoles, 25 de noviembre de 2015

Día internacional contra a Violencia de Xénero

O 25 de novembro celébrase o Día Internacional contra a Violencia de Xénero. O noso cole sabe da importancia da coeducación e da nosa responsabilidade nas bases que conforman os comportamentos de respecto entre homes e mulleres e que forman parte da educación integral do noso alumnado.

Sabendo que isto non é algo que se cubra nun día, sempre aproveitamos, no ENDL, as efemérides para iniciar liñas de traballo que sexan permanentes e transversais. Por iso, a partir de hoxe comezamos traballos específicos para reflectir e concienciar. Algúns exemplos son:



CinemaEnCurso: Con este proxecto estamos aprendendo a analizar filmacións, para aprender a crealas, mellorando a nosa narración e expresión emocional. Nesta ocasión aproveitamos a traballar o seguinte vídeo, que compartimos con todos os alumnos de primaria na entrada do colexio. O publicitario chámase "Dalle unha bofetada", e foi rodado con nenos italianos contra a violencia de xénero.






Biblioteca Escolar: Como é habitual, organizamos unha exposición temática de libros para coñecer as semellanzas e difencias entre homes e mulleres sobre as que se sustenta a igualdade entre os xéneros.


Todas estas liñas de traballo complementan as que cada titor organiza con tratamentos específicos en diferentes áreas.


martes, 27 de octubre de 2015

Aprendendo para ensinar



O pasado luns o equipo de formación do CEIP San Xoán tivo a sorte de contar cun magnífico docente para aprender, José Andrés García, bibliotecario en León e cun amplísimo curriculum como formador de profesores, contacontos e experto en Kamishibai.




Precisamente, esta arte (drama en papel) foi a causa da súa produtiva visita.

O Kamishibai nace en Xapón como un xeito de dramatización, utilizado por vendedores nas rúas. Desprazábanse en bicicleta e facían soñar aos nenos que lles compraban golosinas. Coa chegada do cine, este arte foi esmorecendo e parece que hai datos para crer que, tras deste esmorecemento está o inicio dunha nova arte: o manga.

O interese dos profesores compoñentes deste equipo polo Kamishibai naceu no pasado curso, no desenvolvemento da anterior liña de traballo, e pretende darnos pé a encontrar novas metodoloxías que melloren a competencia lectora do noso alumnado e a nosa propia competencia docente.

Este vídeo recolle algúns dos mellores momentos da sesión.







Aquí podedes ver a José Andrés interpretando co seu Kamishibai a historia dun peixiño que consegue un bombín...






Non vos gustaría que tivésemos un kamishibai no noso cole?

Queredes ver máis historias do noso primeiro día de Kamishibai? Pincha neste enlace.


Máis materiais para trabajar co Kamishibai




lunes, 26 de octubre de 2015

Desenvolvemento da Semana do Samaín



Luns 26 de outubro:



Traballamos o texto: Comezan os obradoiros de cociña. Despois de descubrir o que é unha cidra, comezamos co laborioso arte de cociñala e convertela nun saboroso doce. Toñi ensina como fazer "Cabelo de Anxo" que despois utilizará como ingrediente perfecto para unha torta que comeremos no día do Menú Especial de Samaín.







Unha exposición de Cabazas: Como xa é tradicional, o alumnado participa nun Concurso de Decoración de Cabazas. A novidade deste ano é que as cabazas serán decoradas no seu exterior.


Textos para morrer de medo: Como cada ano, teremos a ocasión de nos achegar ao medo que se vive nestes días. Queredes saber como? Este ano copiaremos "parágrafos para morrer de medo" de libros e novelas que coñezamos ou que encontremos na nosa Exposición de Libros de Medo.






Xoves 29 de outubro:




Traballamos o texto: Instrucións para obradoiros artísticos. Un momento magnífico para que a nosa imaxinación se convirta en algo bonito e decorativo. Hoxe faremos porta candeas con forma de momia... Atréveste? Os videotitoriais elaborados polo alumnado de 6º están publicados nesta ligazón. Será unha interesante sesión de formación entre iguais.




Celebraremos o Menú do Samaín. Incluirá a sobremesa realizada nos obradoiros de cociña desta semana.

Tarde de cine de medo: Os nenos de primaria disfrutarán da película "Hotel Transilvania" no salón de actos, mentres que os nenos de Infantil disfrutarán dun contacontos a cargo dunha das profesoras da etapa.




Semana 2-6 de Novembro:

Traballamos o texto: Seguimos cos obradoiros de cociña. Serán días de exaltar un produto típico da zona, a castaña. Toñi ensina aos alumnos de 3º e 4º como fazer "Marrón Glacé". O resultado será envasado e repartido entre todos os alumnos, para que o leven a casa.





martes, 20 de octubre de 2015

Semana da Biblioteca

Do 19 ao 25 de outubro, celébrase a Semana da Biblioteca. No cole festexaremos estas datas con varias actividades de dinamización da lectura e de apertura da biblioteca.



Para comezar, participaremos na campaña que o Observatorio de la Lectura y el Libro (Ministerio de Educación, Cultura e Deporte) desenvolve para esta semana: ¡Viva la Biblio!. Unha campaña na que, a través de twitter, todos podemos contar ese momento especial polo que nos entusiasman as bibliotecas: un recordo asociado a algo positivo que acontecese nese magnífico espazo que son as biblios. O hashtag de participación é #vivalabiblio, e aquí encontrarás as bases.







Entra en twitter - #vivalabiblio

(Se queres ver as nosas publicacións, engade o hashtag #ceipsanxoan)





Tamén pensamos abrir a biblioteca ao centro... Pequenos recunchos de lectura que invitan a disfrutar dun momento de esparcimento e tranquilidade, de imaxinación e viaxes literarios... Mira eses espazos e vén disfrutar deles.




sábado, 3 de octubre de 2015

Suso Lista: A visita


Chegou o día. O venres 2 de outubro, o CEIP San Xoán encheuse de barcos, semellando unha costa galega activa e añorada...




O motivo era que estaba programada a visita de Suso Lista, autor de relatos, mariñeiro, percebeiro, actor, fotógrafo... polifacético home que compartiu connosco vida, anécdotas, consellos...





Falou sobre as diferentes profesións que desenvolveu na súa vida e que, sen dúbida, conforman, en parte, as historias que conta... que conta con facilidade, como demostrou, a petición de David, compoñendo unha cos debuxos que, para a ocasión, fixeran os nenos.







Puidemos escoitar que foi locutor de radio, algo que adquire especial relevancia para nós durante este trimestre... así que... esta historia da radio... continuará...

Fixo recomendación de ler... de ler moito... e recomendou dúas obras: As aventuras de Tom Sawyer (Mark Twain), para os nenos, e El Pirata (Walter Scott), para as familias.





Aficionado á fotografía da natureza, participou da nosa liña de traballo recentemente estreada, Fotografía Matemática, poñendo nome a varias das súas en función das propiedades desta ciencia que nelas se atopaban.





Houbo lugar para as peticións e, como el cumpriu coas nosas, tamén se animou a pedir algo: os nosos nenos terían que enviarlle un relato, cada un, sobre un feito sorprendente... Se cumprimos, comprometeuse a volver e facer un pequeno clube de lectura con todos eles.
Felices de terte connosco, sempre que desexes ver montaña en lugar de mar, aquí tes o teu lugar!
Grazas, Suso.



miércoles, 30 de septiembre de 2015

DE VISITA: SUSO LISTA






Jesús Lista Neira, coñecido como SUSO LISTA, naceu en Corme o dous de abril de 1962. 



Corme é unha localidade costeira cunha longa tadición mariñeira situada na Costa da Morte (A Coruña). Alí pasou os seus primeiros 11 anos, ata que marchou a Cheste (Valencia) a cursar estudos de EXB. Con 16 anos, embarcou como mariño mercante, percorrendo toda Europa e o norte de África.


Con 25 anos deixa o barco e se instala definitivamente en Corme para traballar como percebeiro, profesión que combina coa de actor, guionista, locutor radiofónico…


Traballou en series como Mareas vivas (en máis de 40 capítulos), Libro de familia, Os Atlánticos, Matalobos, Padre Casares… en longametraxes como A mariñeira e Cela 211. 

Foi guionista de curtametraxes como A crise da pesca ou Matreros de medianoite, actor e guionista do documental Ida e volta (seleccionado para os premios Mestre Mateo 2007).



Inicia a súa andaina como escritor en 2005, publicando relatos no seu blog: Suso Lista. Espazo emocional e literario dun percebeiro do Roncudo, que mantén ata 2011.

Dende 2008 ata 2010 traballa como actor e guionista na serie de Tv Para mariñeiros, nós (Vtelevisión).

Dirixiu un programa cultural en Radio Roncudo, O embigho da fin do mundo, e no ano 2013 gañou o Premio da Audiencia do VII Premio de Teatro Cultural da Radio Galega coa obra O demo nunca dorme. 



Ten publicados dos libros de relatos: Salseiros, en 2014, (terceiro Mellor Autor do Ano para a revista Fervenzas Literarias) e Xeixos, en 2015.




O venres 2 de outubro, teremos o pracer de recibir na biblioteca do CEIP San Xoán a Suso, que nos falará da súa obra, dos seus oficios, ads súas experiencias… e será unha delicia escoitalo, xa que é ademáis de todo é un excelente narrador. Mentres agardamos que chegue o venres, abaixo tedes algún dos traballos de Suso Lista.