A música acompáñanos ao longo da nosa vida, e moitas melodías acaban por formar parte da nosa historia individual ou colectiva.
Son capaces de facernos revivir emocións, e hai quen considera que a música é a linguaxe do corazón.
Non podemos deixar pasar este #loveisintheair sen compartir as nosas cancións de amor preferidas. Axúdasnos a elaborar unha lista de reproducción na nosa canle de YouTube? Podes deixarnos o teu enlace no blogue de EntreLetras, na páxina de Facebook ou á entrada do colexio, nun lugar habilitado para este fin.
Empezamos nós coa banda sonora deste EntreLetras😍
Ola, amigas e amigis de Entre Letras!
ResponderEliminarAo pensar nunha canción de amor, a primeira que me veu á mente foi esta versión de Xoel López dun poema marabilloso de Álvaro Cunqueiro. O amor é un sentimento inmenso, universal e por iso tamén inalcanzábel. Amor ás persoas que nos rodean e aman, aos obxectos que nos falan de emocións compartidas, á natureza que nos alimenta e protexe, aos soños que tentamos ver cumpridos, á arte que retrata ou traspasa a realidade dos nosos ollos, ás sensacións que percibimos polos sentidos, á vida que nos presenta sempre novos retos para superar ...
O amor está sempre presente na historia da humanidade e agora tócanos promovelo e gozalo. E, como di, o poema-canción que comparto convosco, "Quen puidera namorala!"
Saúdos con amor desde as ondas!
https://www.youtube.com/watch?v=ScXcoTGbkik