A relación entre a literatura e a música unha das máis antigas e fructíferas colaboracións que se producen entre distintas manifestacións artísticas.
Dende este blog, pretendemos dar a coñecer á comunidade educativa do CEIP San Xoán de Becerreá, este enriquecedor espazo artístico.
Igualmente, pretende imbuir no noso sentir á proximidade doutras culturas, o recpecto polas diferenzas, e abrir a nosa capacidade de escoita e visión a situacións novas, espertando a curiosidade por coñecer outras realidades visuais, sonoras e gustativas; implicando, ademáis do profesorado do centro ao servizo de comedor escolar.

PáXinas

sábado, 6 de febrero de 2016

Love is in the air, 2016



Febreiro é o mes do amor e o centro énchese co #loveisintheair. O programa desta liña de traballo inclúe as seguintes tarefas:

DECORACIÓN #loveisintheair. 
Coa nosa namorada pendurada da lúa e entregando corazóns.... Unha visión romántica para acollernos, á entrada do cole. Mira o vídeo de preparación da nosa decoración alusiva.






CARTAS DE AMOR: comezamos a escribir cartas de amor para o concurso que se fallará o día 26 de febreiro. As cartas poden ser entregadas ata o día 19. As bases estarán en todas as aulas, para seren traballadas por todos os grupos, porén, ao concurso accedán só os voluntarios. Podes ver aquí o cartel de participación, coas bases.





CARTAS DA PAZ E DO AMOR: ENTREGA DE PREMIOS











LECTURAS DE AMOR: BiblioLío organiza unha exposición de libros de amor para ver na entrada e levar en préstamo.


CANCIÓNS DE AMOR: A música é un dos puntos clave do EntreLetras. Nesta ocasión, colocaremos o buzón para recoller as propostas de cancións de amor que desexedes. Con todas elas faremos listaxes de reprodución que nos amenizarán as entradas e saídas. A continuación podedes ver o Padlet sobre cancións de amor que o alumnado de 6º fixo no proxecto eTwinning.






FLORES PARA ROSALÍA. FLORES PARA REGALAR. Durante os días 17,18 e 19 levaremos a cabo obradoiros de elaboración de flores de papel. Estas flores acadarán especial importancia no día 24, Día de Rosalía de Castro. Ver aquí o desenvolvemento deste día.






Para aprender que hai detrás de regalar flores, Geli, a nai de Ainara, de sexto, virá darnos unha charla.





MENÚ PARA NAMORADOS. Sorpresa doce que nos agarda, das mans de Toñi e Ana....

KAMISHIBAI. Dentro da liña Un Kamishibai ao Mes de BiblioLío, unha historia en Kamshibai pechará a nosa liña de traballo.

EDUCACIÓN RESPONSABLE - BDF 6º: Tamén hai lugar para esta liña de traballo desde Educación Responsable - Banco de Ferramentas para 6º. Podes acceder aquí á tarefa "Perdóname", desenvolvida para o Love is in the Air.



viernes, 22 de enero de 2016

Novo proxecto para o centro.

Acabamos de recibir a aprobación do proxecto europeo eTwinning "Coñecémonos cos outros", unha liña de traballo de dinamización das linguas con base nas matemáticas e a educación emocional.

Este proxecto está deseñado para o alumnado de 6º, aínda que terá actividades puntuais con outros grupos. Participaremos cun centro portugués, das Illas Azores, a EBI Francisco Ornêlas de Câmara, e outro catalán, o INS La Sénia, de Tarragona.

Contará cun espazo propio, cuxo enlace é este.


jueves, 14 de enero de 2016

Carteámonos pola paz

O EntreLetras do mes de xaneiro é "Carteámonos pola paz" porque finaliza o mes cunha conmemoración moi importante: O Día da Paz.

Pero... para cartearnos... precisamos coñecer cómo é que unha carta chega a un lugar. 

VISITA Á OFICINA DE CORREOS

Por iso, contando coa colaboración de María, nai de Cristina, visitamos a Oficina de Correos onde é xefa da Unidade de Distribución de Becerreá. Alí recibimos unha información fantástica de cómo se reciben e distribúen as cartas. Este é o vídeo da visita:



Jorge Álvarez, de 6º, elaborou este vídeo, que recolle o resumo do día, incluídas as visitas ao Guarnicioneiro e, tamén, á destilería Gota a Gota, onde aproveitamos para facer retratos.





VISITA DO CARTEIRO DA PAZ



SORPRESA!!! Acabamos de recibir dúas cartas. Os compañeiros do eTwinning, cos que compartimos actividades durante o Nadal, enviáronnos unhas cartas e presentes.




Chega o momento de escribir cartas. Todas as clases escribirán unha para algúns compañeiros de centros cos que compartimos algún proxecto. 



O venres 21 vén o noso amigo, o Carteiro da Paz, que leva todas as nosas cartas cara o seu destino. Gustaríanos ver as caras dos nosos novos amigos ao abrir as cartas que lles escribimos. este vídeo recolle os mellores momentos do día.







O alumnado de 6º elaborou este Google Map cos centros aos que chegaron as nosas cartas:




O luns 25 comeza a Semana da Paz! 

Esta é a nosa decoración alusiva... nubes que choven cartas!




Resumo de actividades durante a Semana da Paz:



miércoles, 23 de diciembre de 2015

Nace un novo espazo web!

Desde hoxe dispoñemos dun novo espazo web que contén toda a información relativa ao desenvolvemento do Programa Educación Responsable.

Podes acceder desde a imaxe ou escribindo o enderezo:

http://ceipsanxoan.wix.com/ed-responsable


miércoles, 2 de diciembre de 2015

Preparándonos para o Nadal





Como cada ano, a chegada do Nadal inunda a escola de imaxes natalícias... Xa estamos a prepararnos!







Cada clase está a participar no Concurso de Postais da FAPACEL. Todos os nenos realizan a súa, que será enviada para o correo da Fedeación, co noso desexo de contribuír a esta celebración.

Igualmente, os nenos foron informados da Campaña de Recollida de Xoguetes que a ANPA realiza cada mes de decembro coa intención de que ningún neno quede sen agasallos este Nadal. A recollida de xoguetes levarase a cabo no Centro Social e na Oficina de Correos, ata o 1 de xaneiro.





Está na nosa vontade formar nenos solidarios, polo que un ano máis, estamos a realizar pequenos detalles que vender no día do Festival de Nadal, aberto ás familias. Estes fondos van formar parte dos recursos que financian as actividades complementarias, en colaboración coa ANPA. Non deixedes de ver o que estamos a facer para vós...






Moitas son  sorpresas que nos esperan neste Nadal... Iremos informándovos...

1. Elaboración de detalles para o Mercado Solidario. Obradoiros en 1º, 2º e 4º. Colaboración con outros centros. Difusión eTwinning.

miércoles, 25 de noviembre de 2015

Día internacional contra a Violencia de Xénero

O 25 de novembro celébrase o Día Internacional contra a Violencia de Xénero. O noso cole sabe da importancia da coeducación e da nosa responsabilidade nas bases que conforman os comportamentos de respecto entre homes e mulleres e que forman parte da educación integral do noso alumnado.

Sabendo que isto non é algo que se cubra nun día, sempre aproveitamos, no ENDL, as efemérides para iniciar liñas de traballo que sexan permanentes e transversais. Por iso, a partir de hoxe comezamos traballos específicos para reflectir e concienciar. Algúns exemplos son:



CinemaEnCurso: Con este proxecto estamos aprendendo a analizar filmacións, para aprender a crealas, mellorando a nosa narración e expresión emocional. Nesta ocasión aproveitamos a traballar o seguinte vídeo, que compartimos con todos os alumnos de primaria na entrada do colexio. O publicitario chámase "Dalle unha bofetada", e foi rodado con nenos italianos contra a violencia de xénero.






Biblioteca Escolar: Como é habitual, organizamos unha exposición temática de libros para coñecer as semellanzas e difencias entre homes e mulleres sobre as que se sustenta a igualdade entre os xéneros.


Todas estas liñas de traballo complementan as que cada titor organiza con tratamentos específicos en diferentes áreas.


viernes, 13 de noviembre de 2015

Cinema en curso


Cinema en curso é un programa de pedagoxía do cinema que persegue un doble obxectivo prioritario: achegar aos nenos e xoves o cinema como arte, creación e cultura, e explorar o potencial pedagóxico da creación cinematográfica.
Comenza en Cataluña en 2005 y se desenvolve en escolas e institutos con alumnos  entre 3 y 18 años. Trátase dun proxecto internacional no que participan centros de Cataluña, Madrid, Arxentina e Chile,ademais de catro centros de Galicia: CEIP A Rúa (Cangas), IES Manuel Chamoso Lamas (O Carballiño), IES Manuel Murguía (Arteixo), e nós, o alumnado de 5º e 6º do CEIP San Xoán de Becerreá.
En Galicia o CGAI coordina Cine en Curso en colaboración co Plan Proxecta, iniciativa da Consellería de Cultura, Educación e Ordenación Universitaria.

O modo de creación propio do cine, as aptitudes, actitudes e esixencias que require, fan del un aliado de primeira orde para traballar cuestións fundamentais para o desenvolvemento persoal do alumnado e para a sociedade en xeral. 
A través da creación cinematográfica trabállanse a creatividade e a capacidade de innovar; a atención á realidade e a capacidade de apreciala; a autonomía e a capacidade de cooperar e traballar en equipo; a asunción de responsabilidades individuais e colectivas; a autoestima, a ilusión, o rigor, as expectativas sobre un mesmo e sobre o grupo do que se forma parte; o coñecemento, recoñecemento e respecto cara a realidades diversas; a reflexión sobre as propias emocións e as dos demais; a capacidade para argumentar, escoitar e dialogar.
Ademais, a metodoloxía de traballo de "Cine en curso" supón unha ocasión privilexiada para desenvolver un traballo fondo de expresión oral e escrita: o alumnado elabora textos descritivos, poéticos, instrumentais, narrativos; expresan ideas e emocións; argumentan, dialogan, reflexionan, valoran…
Deste xeito, impulsaremos a adquisición das competencias básicas dos nosos nenos, incorporando ao proxecto no que acabamos de iniciar, así como contidos de todas as asignaturas troncais e específicas do currículo.




A primeira sesión tivo lugar o 7 de novembro para o profesorado e o 9 para o alumnado, ambas na sede do CGAI en A Coruña, onde os nenos asistiron a unha proxección na que visionamos e comentamos os fragmentos das seguintes películas:
  • Daguerrotipos (Agnès Varda)
  • A colchoneira (Alain Cavalier)
  • Perfís campesiños: a vida moderna (Raymond Depardon)
  • Ruínas (Manuel Mozos)
  • Tren de sombras (Jose Luís Guerin)
  • El cielo gira (Mercedes Álvarez)
  • D' Est (Chantal Akerman)
  • Paris #1 (Oliver Laxe)
  • Glas (Ben Haanstra)   


Máis información do desenvolvemento de "Cinema en curso"" no blogue de quinto e sexto.
sextosanxoan.blogspot.com.es





jueves, 5 de noviembre de 2015

Unha sesión de Kamishibai




Despois de recibir formación con Jose Andrés, a nosa compañeira en prácticas María García, animouse a organizar e levar á práctica unha sesión de Kamishibai cos alumnos de Infantil.
A sesión tiña como obxecto practicar as praxias dentro dun obradoiro de estimulación da linguaxe que se vén desenvolvendo no cole desde inicio de curso.

O conto deseñado e escrito para a ocasión por María chamábase "Las aventuras de Jacinta... en el campo". Queredes velo? Aquí vos deixamos a sesión gravada.







martes, 27 de octubre de 2015

Aprendendo para ensinar



O pasado luns o equipo de formación do CEIP San Xoán tivo a sorte de contar cun magnífico docente para aprender, José Andrés García, bibliotecario en León e cun amplísimo curriculum como formador de profesores, contacontos e experto en Kamishibai.




Precisamente, esta arte (drama en papel) foi a causa da súa produtiva visita.

O Kamishibai nace en Xapón como un xeito de dramatización, utilizado por vendedores nas rúas. Desprazábanse en bicicleta e facían soñar aos nenos que lles compraban golosinas. Coa chegada do cine, este arte foi esmorecendo e parece que hai datos para crer que, tras deste esmorecemento está o inicio dunha nova arte: o manga.

O interese dos profesores compoñentes deste equipo polo Kamishibai naceu no pasado curso, no desenvolvemento da anterior liña de traballo, e pretende darnos pé a encontrar novas metodoloxías que melloren a competencia lectora do noso alumnado e a nosa propia competencia docente.

Este vídeo recolle algúns dos mellores momentos da sesión.







Aquí podedes ver a José Andrés interpretando co seu Kamishibai a historia dun peixiño que consegue un bombín...






Non vos gustaría que tivésemos un kamishibai no noso cole?

Queredes ver máis historias do noso primeiro día de Kamishibai? Pincha neste enlace.


Máis materiais para trabajar co Kamishibai




lunes, 26 de octubre de 2015

Desenvolvemento da Semana do Samaín



Luns 26 de outubro:



Traballamos o texto: Comezan os obradoiros de cociña. Despois de descubrir o que é unha cidra, comezamos co laborioso arte de cociñala e convertela nun saboroso doce. Toñi ensina como fazer "Cabelo de Anxo" que despois utilizará como ingrediente perfecto para unha torta que comeremos no día do Menú Especial de Samaín.







Unha exposición de Cabazas: Como xa é tradicional, o alumnado participa nun Concurso de Decoración de Cabazas. A novidade deste ano é que as cabazas serán decoradas no seu exterior.


Textos para morrer de medo: Como cada ano, teremos a ocasión de nos achegar ao medo que se vive nestes días. Queredes saber como? Este ano copiaremos "parágrafos para morrer de medo" de libros e novelas que coñezamos ou que encontremos na nosa Exposición de Libros de Medo.






Xoves 29 de outubro:




Traballamos o texto: Instrucións para obradoiros artísticos. Un momento magnífico para que a nosa imaxinación se convirta en algo bonito e decorativo. Hoxe faremos porta candeas con forma de momia... Atréveste? Os videotitoriais elaborados polo alumnado de 6º están publicados nesta ligazón. Será unha interesante sesión de formación entre iguais.




Celebraremos o Menú do Samaín. Incluirá a sobremesa realizada nos obradoiros de cociña desta semana.

Tarde de cine de medo: Os nenos de primaria disfrutarán da película "Hotel Transilvania" no salón de actos, mentres que os nenos de Infantil disfrutarán dun contacontos a cargo dunha das profesoras da etapa.




Semana 2-6 de Novembro:

Traballamos o texto: Seguimos cos obradoiros de cociña. Serán días de exaltar un produto típico da zona, a castaña. Toñi ensina aos alumnos de 3º e 4º como fazer "Marrón Glacé". O resultado será envasado e repartido entre todos os alumnos, para que o leven a casa.





jueves, 22 de octubre de 2015

Samaín

Xa estamos a traballar intensamente na celebración do Samaín. A vindeira semana estará plagada de actividades relacionadas con estas datas, e das que vos adiantamos parte do calendario:

O luns 26 de outubro, e o martes 27 o alumnado de quinto e sexto, realizarán na cociña, coa colaboración de Toñi, un taller no que aprenderán cómo se fai o cabelo de anxo, o tipo de cabaza que necesitamos para a súa elaboración, e, quizáis, elaborarán un doce con este produto.

Pola tarde, celebraremos o magosto, con xogos e maquillaxe para quen o desexe.

Os nenos de terceiro e cuarto, tamén teñen taller na cociña. Neste caso, aprenderán a facer marron glacé. Será o mércores, e poderán levar para a súa casa un bote co produto elaborado.

Ao rematar os talleres, publicaremos aquí as receitas.

Para os compañeiros de primeiro e segundo de primeira, temos unha pequena sorpresa: un taller de maualidades que impartirá o alumnado de  sexto curso e no que aprenderán a facer un portavelas em forma de momia.

Nos seguintes enlaces, poderes ver os videotitoriais que están a realizar con esta temática:

  • Anne
  • Ainhoa
  • Yoel
  • Arturo
  • Vero
  • Ainara
  • Aarón
  • Jorge
  • Martín






martes, 20 de octubre de 2015

Semana da Biblioteca

Do 19 ao 25 de outubro, celébrase a Semana da Biblioteca. No cole festexaremos estas datas con varias actividades de dinamización da lectura e de apertura da biblioteca.



Para comezar, participaremos na campaña que o Observatorio de la Lectura y el Libro (Ministerio de Educación, Cultura e Deporte) desenvolve para esta semana: ¡Viva la Biblio!. Unha campaña na que, a través de twitter, todos podemos contar ese momento especial polo que nos entusiasman as bibliotecas: un recordo asociado a algo positivo que acontecese nese magnífico espazo que son as biblios. O hashtag de participación é #vivalabiblio, e aquí encontrarás as bases.







Entra en twitter - #vivalabiblio

(Se queres ver as nosas publicacións, engade o hashtag #ceipsanxoan)





Tamén pensamos abrir a biblioteca ao centro... Pequenos recunchos de lectura que invitan a disfrutar dun momento de esparcimento e tranquilidade, de imaxinación e viaxes literarios... Mira eses espazos e vén disfrutar deles.




sábado, 3 de octubre de 2015

Suso Lista: A visita


Chegou o día. O venres 2 de outubro, o CEIP San Xoán encheuse de barcos, semellando unha costa galega activa e añorada...




O motivo era que estaba programada a visita de Suso Lista, autor de relatos, mariñeiro, percebeiro, actor, fotógrafo... polifacético home que compartiu connosco vida, anécdotas, consellos...





Falou sobre as diferentes profesións que desenvolveu na súa vida e que, sen dúbida, conforman, en parte, as historias que conta... que conta con facilidade, como demostrou, a petición de David, compoñendo unha cos debuxos que, para a ocasión, fixeran os nenos.







Puidemos escoitar que foi locutor de radio, algo que adquire especial relevancia para nós durante este trimestre... así que... esta historia da radio... continuará...

Fixo recomendación de ler... de ler moito... e recomendou dúas obras: As aventuras de Tom Sawyer (Mark Twain), para os nenos, e El Pirata (Walter Scott), para as familias.





Aficionado á fotografía da natureza, participou da nosa liña de traballo recentemente estreada, Fotografía Matemática, poñendo nome a varias das súas en función das propiedades desta ciencia que nelas se atopaban.





Houbo lugar para as peticións e, como el cumpriu coas nosas, tamén se animou a pedir algo: os nosos nenos terían que enviarlle un relato, cada un, sobre un feito sorprendente... Se cumprimos, comprometeuse a volver e facer un pequeno clube de lectura con todos eles.
Felices de terte connosco, sempre que desexes ver montaña en lugar de mar, aquí tes o teu lugar!
Grazas, Suso.



miércoles, 30 de septiembre de 2015

DE VISITA: SUSO LISTA






Jesús Lista Neira, coñecido como SUSO LISTA, naceu en Corme o dous de abril de 1962. 



Corme é unha localidade costeira cunha longa tadición mariñeira situada na Costa da Morte (A Coruña). Alí pasou os seus primeiros 11 anos, ata que marchou a Cheste (Valencia) a cursar estudos de EXB. Con 16 anos, embarcou como mariño mercante, percorrendo toda Europa e o norte de África.


Con 25 anos deixa o barco e se instala definitivamente en Corme para traballar como percebeiro, profesión que combina coa de actor, guionista, locutor radiofónico…


Traballou en series como Mareas vivas (en máis de 40 capítulos), Libro de familia, Os Atlánticos, Matalobos, Padre Casares… en longametraxes como A mariñeira e Cela 211. 

Foi guionista de curtametraxes como A crise da pesca ou Matreros de medianoite, actor e guionista do documental Ida e volta (seleccionado para os premios Mestre Mateo 2007).



Inicia a súa andaina como escritor en 2005, publicando relatos no seu blog: Suso Lista. Espazo emocional e literario dun percebeiro do Roncudo, que mantén ata 2011.

Dende 2008 ata 2010 traballa como actor e guionista na serie de Tv Para mariñeiros, nós (Vtelevisión).

Dirixiu un programa cultural en Radio Roncudo, O embigho da fin do mundo, e no ano 2013 gañou o Premio da Audiencia do VII Premio de Teatro Cultural da Radio Galega coa obra O demo nunca dorme. 



Ten publicados dos libros de relatos: Salseiros, en 2014, (terceiro Mellor Autor do Ano para a revista Fervenzas Literarias) e Xeixos, en 2015.




O venres 2 de outubro, teremos o pracer de recibir na biblioteca do CEIP San Xoán a Suso, que nos falará da súa obra, dos seus oficios, ads súas experiencias… e será unha delicia escoitalo, xa que é ademáis de todo é un excelente narrador. Mentres agardamos que chegue o venres, abaixo tedes algún dos traballos de Suso Lista.











martes, 15 de septiembre de 2015

EntreLetras 2015/2016

Un novo curso escolar que nos trae una nova edifico do Entre letras.
E comezamos forte! Un tema atractivo pero a priori bastante desconocido: A RADIO




Poñémonos a investigar?